Qo‘qon shahar Kengashi deputati O.Bozarovning 14-“Degrizlik” saylov okrugi hududidagi “Degrizlik” mahallasida Xalq deputatlari Qo‘qon shahar Kengashining navbatdagi sessiyasi kun tartibiga kiritilgan muhim masalalar yuzasidan o‘rganish va muhokama o‘tkazildi.

Muhokamada Xalq deputatlari Qo‘qon shahar Kengashi kotibiyati mudiri A.Nosirov, Kengash kotibiyati bosh mutaxassisi A.Adhamov hamda O‘zbekiston Ekologik partiyasi Qo‘qon shahar Kengashi raisi A.Akbarov, mahalla profilaktika inspektori, mahalla raisi hamda yoshlar yetakchisi ishtirok etdi.

Uchrashuv davomida O‘zbekiston Respublikasi Prezidentining PQ-1 va PQ-111-sonli qarorlari ijrosini ta’minlash bo‘yicha Qo‘qon shahar Ichki ishlar bo‘limi boshlig‘ining hisobotida ko‘tarilgan masalalar yuzasidan fikr almashildi.

Xususan, mahallada jinoyatchilik va huquqbuzarliklarning oldini olish, profilaktik tadbirlarni samarali tashkil etish, yoshlar o‘rtasida sodir etilishi mumkin bo‘lgan salbiy holatlarning barvaqt oldini olish hamda fuqarolar xavfsizligini ta’minlash borasida amalga oshirilayotgan ishlar muhokama qilindi.

Shuningdek, mahalla faollari, profilaktika inspektori va yoshlar yetakchisining o‘zaro hamkorligini yanada kuchaytirish, "mahallabay" ishlash tizimini samarali yo‘lga qo‘yish hamda aholi bilan profilaktik uchrashuvlarni muntazam tashkil etish yuzasidan taklif va tavsiyalar bildirildi.

Xalq deputatlari Qo‘qon shahar Kengashi