Xalq deputatlari Mirzaobod tumani Kengashi raisi M.Movlanov, Kengash kotibiyati mudiri H.Amanbayeva tomonidan "Yangi hayot" mahallasida amalga oshirilayotgan obodonlashtirish ishlari hamda fuqarolar murojaatlari bilan ishlash jarayonlari joyiga chiqib o‘rganildi.

O‘rganish davomida hududda tasdiqlangan dasturlar asosida olib borilayotgan qurilish, obodonlashtirish va sanitariya-tozalash ishlari, ko‘chalar hamda jamoat joylarini tartibga keltirish bo‘yicha amalga oshirilayotgan tadbirlar ko‘zdan kechirildi. Shuningdek, fuqarolarning murojaatlarini o‘z vaqtida ko‘rib chiqish, ularning muammolarini hal etish va murojaatlar ijrosini ta'minlash borasida olib borilayotgan ishlar tahlil qilindi.