Chilonzor tumani “Do‘mbirobod” MFY hududidagi 232-sonli umumta’lim maktabi hududida yangi 360 o‘rinli maktabgacha ta’lim tashkiloti qurilishi bilan bog‘liq xarajatlarni moliyalashtirish maqsadida 7 500 000,0 ming so‘m mablag‘ ajratilishi tasdiqlandi.

Mazkur mablag‘ O‘zbekiston Respublikasi Prezidentining 2025-yil 16-dekabr kuni Toshkent shahriga tashrifi davomida berilgan topshiriqlari, shuningdek, Toshkent shahar hokimining 2026-yil 27-yanvardagi 41-14-0-Q/26-sonli qarori hamda Xalq deputatlari Chilonzor tumani Kengashining 2026-yil 26-yanvardagi qarori ijrosini ta’minlash maqsadida yo‘naltiriladi.

Ushbu mablag‘ni ajratish Xalq deputatlari Chilonzor tumani Kengashining 2026-yil 10-iyuldagi III-22-70-14-204-K/26-son qarori bilan tasdiqlangan.