ЁШЛАРГА ОИД ДАВЛАТ СИЁСАТИ ТЎҒРИСИДАГИ ҚОНУН ИЖРОСИ ЎРГАНИЛДИ
Халқ депутатлари Янгиқўрғон тумани Кенгаши котибияти мутахассиси Басида Ходжаева Янгиқўрғон тумани Ёшлар ишлари агентлиги бўлимида бўлди.
Ўрганиш жараёнида Ўзбекистон Республикасининг «Ёшларга оид давлат сиёсати тўғрисида»ги ЎРҚ–406-сонли Қонуни ижроси, ёшларнинг ҳуқуқ ва қонуний манфаатларини ҳимоя қилиш, уларнинг бандлигини таъминлаш, касб-ҳунарга ўқитиш, тадбиркорлик ташаббусларини қўллаб-қувватлаш ҳамда бўш вақтларини мазмунли ташкил этиш борасида амалга оширилаётган ишлар таҳлил қилинди.
Шунингдек, ёшлар билан манзилли ишлаш, муаммоларини ўрганиш ва ҳал этиш, ижтимоий кўмакка муҳтож ёшларни қўллаб-қувватлаш бўйича юритилаётган ҳужжатлар ва амалий ишлар кўриб чиқилди.