Unda tuman Kengashi 21-Xo‘jasoat saylov okrugi deputat Yu.Hakimov. Denov tuman fuqarolik sudi sudyasi B.Mustafoyev, tuman Oila va xotin-qizlar bo‘limi boshlig‘i M.Xidirova hamda tuman Adliya bo‘limi boshlig‘i M.Omonov ishtirok etdi.

Muloqot davomida mahallalarda ajrim yoqasiga kelib qolgan oilalar bilan uchrashuv o‘tkazilib, oilaviy nizolarning kelib chiqish sabablari muhokama qilindi. Har bir murojaat individual tartibda tinglanib, tomonlar bilan yakka tartibda suhbat olib borildi.

Uchrashuv davomida oilaviy nizolarni qonuniy yo‘l bilan hal etish, er-xotinlarning huquq va majburiyatlari hamda farzandlar manfaatlarini himoya qilish yuzasidan huquqiy tushuntirishlar berildi.

Mutasaddilar tomonidan oilalarda o‘zaro hurmat, mehr-oqibat va totuvlik muhitini mustahkamlash, ajrimlarning oldini olish hamda yuzaga kelayotgan muammolarni bartaraf etish bo‘yicha tavsiya va maslahatlar berildi.