Xalq deputatlari Marg‘ilon shahar Kengashi deputati N.Akbarova tomonidan Mashad mahallasida navbatdagi o‘rganish ishlari olib borildi.
O‘rganish davomida deputatga biriktirilgan O‘RQ–350-sonli Qonun ijrosi yuzasidan amalga oshirilayotgan ishlar tahlil qilinib, qonun talablarining bajarilish holati o‘rganildi. Shuningdek, qonun ijrosini ta’minlash borasida mahalla fuqarolar yig‘ini tomonidan amalga oshirilayotgan chora-tadbirlar yuzasidan fikr almashildi.

Shu bilan birga, mahalla xotin-qizlar faoli X.Xolboyeva tomonidan xotin-qizlarni ijtimoiy qo‘llab-quvvatlash, ularning bandligini ta’minlash, muammolarini o‘rganish hamda ehtiyojmand oilalar bilan manzilli ishlash borasida olib borilayotgan ishlarning samaradorligi ham o‘rganildi.

Oʻrganishda xotin-qizlarning murojaatlari bilan ishlash, ularni kasb-hunarga o‘qitish, tadbirkorlikka jalb etish va ijtimoiy himoyaga muhtoj fuqarolarni qo‘llab-quvvatlash bo‘yicha amalga oshirilayotgan tadbirlarga e'tibor qaratildi.

O‘rganish yakunida aniqlangan masalalar yuzasidan tegishli tavsiyalar berilib, qonun ijrosini samarali ta’minlash hamda xotin-qizlar bilan ishlash tizimini yanada takomillashtirish bo‘yicha vazifalar belgilab olindi.