Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2022-yil 7-martdagi PF-87-son Farmoni hamda Vazirlar Mahkamasining 2022-yil 31-martdagi 145-sonli qarorida belgilangan vazifalar ijrosi yuzasidan xotin-qizlar faoli Z.Pernebayeva tomonidan tumanning “Chimboyliq” va “Qizilsuv” mahallalarida olib borayotgan ishlari Kengash raisi O.Babayev tomonidan o‘rganildi.

🔺O‘rganish davomida xotin-qizlar faoli tomonidan ijtimoiy himoyaga muhtoj, ishsiz, tibbiy yordamga ehtiyoji mavjud hamda turli muammolarga duch kelgan xotin-qizlarni qo‘llab-quvvatlash borasida olib borilayotgan ishlar bilan tanishildi. Shuningdek, “Ayollar daftari”ga kiritilgan fuqarolarning muammolarini hal etish, ularning bandligini ta’minlash, kasb-hunarga o‘qitish, tadbirkorlikka jalb qilish va ijtimoiy xizmatlardan foydalanish imkoniyatlarini kengaytirish yuzasidan amalga oshirilayotgan chora-tadbirlar muhokama qilindi.

🔺Deputat tomonidan daftarga kiritilgan xotin-qizlar bilan suhbat o‘tkazilib, ularning murojaatlari va takliflari tinglandi. O‘rganish jarayonida aniqlangan ayrim masalalarni hal etish bo‘yicha tegishli tashkilotlarga deputatlik so‘rovlari yuborish hamda mutasaddi idoralar bilan hamkorlikda amaliy choralar ko‘rish belgilandi.