Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash raisi O.Babayev va kotibiyat mudiri J.Sadirov tomonlaridan xalq deputatlari tuman Kengashining 2026-yil 7-avgustdagi VII-36-46-10-136-K/26-sonli qarori ijrosi yuzasidan o‘rganish olib borildi.

🔵Mazkur qaror bilan tumanning 16 ta umumta’lim maktablari va 2 ta maktabgacha ta’lim tashkilotlarini “To‘siqsiz muhit” talablariga moslashtirish va nogironligi bo‘lgan o‘quvchilar uchun zarur mebel, jihoz va asbob-uskunalar bilan ta’minlash vazifasi belgilanib, “Infratuzilma va ijtimoiy barqarorlik” jamg‘armasidan 722,7 mln. so‘m miqdorda mablag‘lar ajratib berilgan edi.

🔵Tumanning “Chimgan” mahallasida joylashgan 38-sonli umumta’lim maktabida Kengash qarorida belgilangan vazifalar bo‘yicha o‘tkazilgan o‘rganishda maktabning kirish qismida nogironlik aravachalari harakatlanishi uchun yo‘laklar mavjudligi, biroq eshik ostonalari cho‘ktirilmaganligi, nogironligi bo‘lgan o‘quvchilar uchun hojatxona moslashtirilmaganligi, inklyuziv ta’lim uchun sinf xonalari jihozlanmaganligi aniqlandi.

🔵Aniqlangan kamchiliklar yuzasidan tuman Maktabgacha va maktab ta’limi bo‘limiga tushuntirish berish bo‘yicha murojaat qilinishi belgilab olindi.