Yangiliklar
Xalq deputatlari Kosonsoy tumani Kengashining 17-Bog‘ishamol saylov okrugidan saylangan deputati Muzaffar Alimxanov tomonidan Bog‘ishamol mahallasida O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonuni ijrosi yuzasidan o‘rganish ishlari olib borildi.
O‘rganish davomida fuqarolarning pensiya tayinlash, qayta hisoblash hamda pensiya to‘lovlarini olish bilan bog‘liq masalalar atroflicha tahlil qilinib, qonun hujjatlarida belgilangan talablarning amaliyotdagi ijrosi ko‘zdan kechirildi. Shuningdek, aholiga pensiya ta’minoti masalalarida ko‘rsatilayotgan xizmatlarning sifati, murojaatlarni ko‘rib chiqish holati hamda fuqarolarni qiynab kelayotgan muammolar o‘rganildi.