Халқ депутатлари Наманган вилоят Кенгаши котибият мудири Т. Гаппаров, вилоят
Кенгаши депутати Н. Мухаммадиева туман Кенгаши котибият мудири М. Эргашева,
Ўзбекистон Республикаси Олий Мажлиси Сенати ҳузуридаги Ёшлар парламенти аъзоси
Д.Сидиқов иштирокида ёшлар маслаҳат гуруҳи аъзолари билан очиқ мулоқот
ўтказилди.


Учрашувнинг асосий мавзуси ҳудуддаги ишсиз ёшларнинг бандлигини таъминлаш,
уларни касб-ҳунарга йўналтириш ва ижтимоий фаоллигини ошириш масалаларига
қаратилди.

Мулоқот давомида ҳудудда мавжуд ишсиз ёшларни аниқлаш ва уларни талаб юқори
бўлган касбларга ўқитиш тизимини такомиллаштириш, доимий даромад манбаига эга
иш ўринларига жалб этиш бўйича таклифлар муҳокама қилинди.


Шунингдек, тадбиркорликка қизиқиши бўлган ёшларни қўллаб-қувватлаш, уларнинг
бизнес ташаббусларини рағбатлантириш ҳамда амалий кўмак бериш масалаларига
алоҳида эътибор қаратилди.


Йиғилишда ёшлар бандлигини оширишга қаратилган янги ёндашувлар, маҳаллий
имкониятлардан самарали фойдаланиш ҳамда тегишли ташкилотлар билан ҳамкорликни
кучайтириш бўйича аниқ вазифалар белгилаб олинди.