Xalq deputatlari Chilonzor tumani Kengashining 2-Chilonzor saylov okrugi deputati Miryunusov Alisher Xabibullayevich Chilonzor mahallasida ichki ko‘cha yo‘llarining holatini o‘rganish maqsadida hududga chiqdi.

O‘rganish jarayonida deputat tashabbusi bilan mablag‘ ajratilib, asfaltlashtirish ishlari amalga oshirilgan hudud batafsil ko‘zdan kechirildi. Natijada mazkur hududda belgilangan ta’mirlash ishlari yakunlangani, ichki ko‘cha yo‘llari to‘liq asfaltlashtirilgani hamda aholi foydalanishi uchun qulay sharoit yaratilgani aniqlandi.

Shuningdek, hududdagi yo‘l infratuzilmasining bugungi holati, bajarilgan ishlarning amaldagi loyiha va belgilangan vazifalarga muvofiqligi o‘rganildi. Mahalla faollari va mas’ullar bilan muloqot davomida hududni yanada obodonlashtirish, mavjud infratuzilmani saqlash hamda ichki ko‘chalarning foydalanish holatini doimiy nazorat qilib borish masalalari muhokama qilindi.

Deputat tomonidan aholi uchun munosib va xavfsiz infratuzilmani yaratish, mahallalarda obodonlashtirish ishlarini izchil davom ettirish hamda fuqarolarning murojaatlari asosida mavjud muammolarni bosqichma-bosqich hal etish yuzasidan tegishli tavsiyalar bildirildi.