#Jarayon:

O‘rta Chirchiqdagi maktab sport zali va to‘garaklar faoliyati deputatlar e’tiborida

📍Xalq deputatlari Toshkent viloyati Kengashi deputati F.Sarmanov, viloyat Kengashi kotibiyati bosh mutaxassisi D.Abdug'apparova, Xalq deputatlari O‘rta Chirchiq tuman Kengashi kotibiyati mudiri B.Baxovadinov hamda kotibiyat bosh mutaxassisi Sh.Eshovlar boshchiligida navbatdagi o‘rganish tadbiri o‘tkazildi.

Sport infratuzilmasi va inventarlar holati ko‘zdan kechirildi:
Ishchi guruh tomonidan O‘rta Chirchiq tumani hududida joylashgan 51-sonli umumta’lim maktabining sport zali va undagi sharoitlar atroflicha o‘rganildi.

O‘rganish davomida quyidagi jihatlarga alohida e’tibor qaratildi:

Sport zalining texnik holati: Binoning isitish tizimi, yoritilishi va pol qoplamalarining xavfsizlik talablariga javob berishi;

Sport anjomlari bilan ta’minlanganlik darajasi: O‘quvchilarning turli sport turlari bilan shug‘ullanishi uchun zarur bo‘lgan jihozlar (to‘plar, gimnastika skameykalari, matlar va boshqalar)ning mavjudligi va sifati;

Sanitariya-gigiyena talablari: Kiyinish va yuvinish xonalarining bugungi kun talablariga mosligi.

O‘rganish davomida deputatlar va kotibiyat xodimlari tomonidan maktabda faoliyat yuritayotgan sport to‘garaklarining ish rejalari va o‘quvchilarning qamrovi tahlil qilindi.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube