Bugungi globallashuv va axborot texnologiyalari jadal rivojlanayotgan davrda yoshlar tarbiyasi, ularning sog‘lom va barkamol inson bo‘lib voyaga yetishi har qachongidan ham muhim ahamiyat kasb etmoqda. Zero, yoshlar – millatning ertangi kuni, mamlakatning tayanchi va kelajagidir.

Mirzo Ulug‘bek tumani “Ulug‘bek” mahallasida yoshlar bilan uchrashuv tashkil etildi. Unda “Adolat” SDP a’zosi Xalq deputatlari Mirzo Ulug‘bek tumani Kengashi deputati Abdukamilov Shavkat Shuxratovich ishtirok etib, yurtimizda  yoshlarning bandligini ta’minlash, sifatli ta’lim bilan qamrab olish va bo‘sh vaqtlarini mazmunli tashkil etish, ijtimoiy qo‘llab-quvvatlash bo‘yicha amalga oshirilayotgan ishlar xususida to‘xtalib o‘tdi.

Tadbirda tadbirkorlik qilish istagida bo‘lgan yoshlarga bandligini ta’minlash maqsadida imtiyozli kredit ajratish bo‘yicha mas’ullarga topshiriqlar berildi.

Yoshlar har bir davlatning kelajagini, salohiyatini belgilovchi muhim ijtimoiy qatlam sanaladi. Zero, har bir jamiyatning holati, taqdiri va istiqboli unda yashayotgan yoshlarning salmog‘i, ma’naviyati va ongliligi darajasi bilan belgilanadi.