Xalq deputatlari Sardoba tumani Kengashi kotibiyati mudiri tomonidan tasdiqlangan
13-may kungi ish rejasi ijrosi yuzasidan Xalq deputatlari Sardoba tumani Kengashi raisi deputati R.Tashpulatov tomonidan Birlashgan mahallasi hududida barpo etilayotgan Qo‘shchinor QVP binosida olib borilayotgan qurilish ishlari o‘rganildi. O‘rganish jarayonida qurilish ishlarining sifati, belgilangan muddatlarda amalga oshirilishi, obyektning infratuzilmasi hamda aholi uchun yaratilayotgan shart-sharoitlarga alohida e’tibor qaratildi. Shuningdek, mutasaddi tashkilotlar va quruvchilar bilan suhbat o‘tkazilib, qurilish jarayonlarini sifatli va o‘z vaqtida yakunlash yuzasidan tegishli tavsiya va topshiriqlar berildi. Ta’kidlanganidek, hududlarda zamonaviy tibbiy muassasalarni barpo etish aholiga sifatli tibbiy xizmat ko‘rsatish, inson salomatligini muhofaza qilish hamda qulay sharoitlar yaratishda muhim ahamiyat kasb etadi. Mazkur obyektning foydalanishga topshirilishi mahalla aholisi uchun tibbiy xizmatlardan samarali foydalanish imkoniyatlarini yana-da kengaytirishga xizmat qiladi.