Xalq deputatlari Forish tuman Kengashi deputatlari — MTDP a’zosi Z.G‘oziyeva, O‘zXDP a’zosi S.Qo‘narova hamda 16-“Mehnatobod” saylov okrugidan O‘zXDP a’zosi K.Sharipovlar tomonidan tuman Ichki ishlar bo‘limida (IIB) o‘rganish o‘tkazildi.
🔍 Deputatlar hududdagi jinoyatchilikka qarshi kurashish holati, ayniqsa, “qizil” va “sariq” toifaga kiruvchi hududlarda jinoyatchilik va huquqbuzarliklarni barvaqt bartaraf etish bo‘yicha olib borilayotgan tezkor-profilaktik ishlarni yaqindan o‘rgandilar. Mahallalarda jamoat tartibini saqlash va profilaktika inspektorlarining faoliyati tahlil qilindi.
🎯 Yakunda xavfsiz muhitni ta’minlash, profilaktik tadbirlar samaradorligini yanada oshirish hamda aniqlangan masalalarni hal etish yuzasidan mas’ullarga tegishli tavsiyalar berildi.