AHOLI MUROJAATLARI BILAN ISHLASH HOLATI DOIMIY KOMISSIYADA KO‘RIB CHIQILDI
🏛 Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida aholi murojaatlari bilan ishlash holati muhokama qilindi.
📝 Yig‘ilish kun tartibidan Pastdarg‘om tumani aholisidan 2026-yilning 9 oyi davomida O‘zbekiston Respublikasi Prezidentining Virtual va Xalq qabulxonalariga kelib tushgan murojaatlar hamda ushbu yo‘nalishda amalga oshirilayotgan ishlar holati to‘g‘risidagi masala o‘rin oldi.
📊 Mazkur masala yuzasidan tuman Xalq qabulxonasi mudiri D. Mamatqulovning axboroti tinglanib, murojaatlarni ko‘rib chiqish, fuqarolar muammolarini o‘z vaqtida hal etish hamda murojaatlar bilan ishlash samaradorligini oshirish masalalariga e’tibor qaratildi.
🔎 Doimiy komissiya tomonidan ushbu yo‘nalishdagi ishlarni tahlil qilish va aholi murojaatlarining qonuniy, xolis hamda o‘z vaqtida ko‘rib chiqilishi ustidan deputatlik nazoratini kuchaytirish muhim vazifa sifatida belgilandi.
✅ Asosiy maqsad — fuqarolar murojaatlariga befarq bo‘lmaslik, ularning muammolarini joyida hal etish va xalq bilan muloqot samaradorligini oshirish.