Янгиқўрғон туманида камбағалликни қисқартириш бўйича штаб фаолияти ўрганилди
Халқ депутатлари Янгиқўрғон тумани Кенгаши котибияти мудири М. Эргашева ҳамда масъуллардан иборат ишчи гуруҳ томонидан ҳафталик иш режаси ижроси доирасида тумандаги Камбағалликни қисқартириш бўйича штаб фаолияти ўрганилди.
🔎 Ўрганиш жараёнида камбағалликни қисқартириш, аҳолининг даромад манбаларини кўпайтириш ҳамда ижтимоий ҳимояга муҳтож оилаларни қўллаб-қувватлаш борасида амалга оширилаётган ишлар таҳлил қилинди.
Хусусан, камбағал оилаларни аниқлаш, уларнинг муаммоларини манзилли ўрганиш, оила аъзолари бандлигини таъминлаш, касб-ҳунарга ўқитиш ва тадбиркорлик фаолиятини йўлга қўйишга кўмаклашиш масалаларига алоҳида эътибор қаратилди.
📊 Штаб масъуллари томонидан амалга оширилаётган чора-тадбирлар, эришилган натижалар, мавжуд муаммолар ҳамда уларни бартараф этиш бўйича кўрилаётган чоралар юзасидан ахборот берилди.
✅ Ўрганиш якунида камбағал оилалар билан манзилли ишлашни кучайтириш, аҳолини доимий даромад манбалари билан таъминлаш, янги иш ўринлари яратиш ва тадбиркорлик ташаббусларини қўллаб-қувватлаш бўйича тегишли таклиф ва тавсиялар билдирилди.