Xalıq deputatları Taxtakópir rayonlıq Keńesiniń deputatı Begmanov Erniyaz Taxtakópir rayonı "Qaratereń" MPJda bolıp, óz saylawshıları menen ushırastı.
Ilajda tiyisli mákeme hám shólkemler, "máhálle jetiligi" wákilleri hám aymaq turǵınları qatnastı.
Ushırasıw dawamında ishki jollardıń jaǵdayı, abadanlastırıw jumısları, kóshe jaqtılandırıw sisteması, infrastrukturanı jáne de jaqsılaw hám aymaqtı rawajlandırıwǵa baylanıslı máseleler boyınsha puqaralardıń pikir-usınısları tıńlandı.
Sonday-aq, kóterilgen máselelerdi tiyisli shólkemler menen birgelikte sheshiw, olardıń orınlanıwın qadaǵalaw hám xalıqtıń múrájatlarına ámeliy járdem kórsetiw boyınsha tiyisli wazıypalar belgilendi.