🏛 Fuqaroning murojaati deputatlik nazoratiga olindi
Xalq deputatlari Pastdarg‘om tumani Kengashi deputati S. Nurmamatova tomonidan Qozoq Nayman mahallasida yashovchi fuqaro Rajabova Saodatning murojaati o‘rganildi.
Fuqaro murojaatida qaramog‘iga olgan bolalarini yana o‘z qaramog‘iga qaytarish masalasida amaliy yordam ko‘rsatishni so‘ragan.
Murojaatni o‘rganish jarayonida mazkur bolalar hozirda Pastdarg‘om tumanida yashovchi tadbirkorning qaramog‘ida ekanligi ma’lum bo‘ldi.
🔹 Shu munosabat bilan holatni belgilangan tartibda atroflicha o‘rganish;
🔹 bolalarning huquq va qonuniy manfaatlarini ustuvor ravishda inobatga olish;
🔹 fuqaro Rajabova Saodatga bolalarni o‘z qaramog‘iga olish masalasida amaliy va huquqiy yordam ko‘rsatish yuzasidan tegishli mutasaddilarga murojaat qilindi.
Deputatlik nazoratining asosiy maqsadi — fuqarolarning qonuniy murojaatlarini o‘rganish, muammolarga yechim topilishiga ko‘maklashish hamda inson huquq va manfaatlarini ta’minlashga hissa qo‘shishdir.
Har bir murojaat — e’tiborda, har bir fuqaro — e’tiborda!