Nazorat-tahlil tadbiri davomida “Shifokor” mahallasi, J.Rumiy ko‘chasida yashovchi fuqarolar bilan uchrashuv o‘tkazilib, ularning murojaat va takliflari tinglandi.

Muloqotda fuqarolar xonadonlarini markaziy oqova suv (kanalizatsiya) tarmog‘iga ulash masalasida amaliy yordam so‘radilar. Mazkur muammoni hal etish maqsadida xalq deputatlari Termiz shahar Kengashining 3-"Shifokor" saylov okrugi deputati O.Lapasova tomonidan “Surxondaryo suv ta’minoti” AJ Termiz shahar bo‘limi boshlig‘i v.b. J.Choriyevga deputatlik so‘rovi yuborildi.

So‘rovda J.Rumiy ko‘chasidagi mavjud holatni mutaxassislar ishtirokida joyiga chiqqan holda o‘rganish, xonadonlarni oqova suv tarmog‘iga ulash imkoniyatlarini aniqlash hamda muammoni bartaraf etish bo‘yicha amaliy choralar ko‘rish so‘raldi.

Shuningdek, amalga oshirilgan ishlar va ko‘rilgan choralar yuzasidan xalq deputatlari Termiz shahar Kengashi kotibiyatiga yozma axborot taqdim etish belgilandi.

Aholi murojaatlari e’tiborda, muammoning amaliy yechimi deputatlik nazoratida.