Xalq deputatlari Yunusobod tuman Kengashi deputati Sobirjonov Sanjar Sobirjonovich tashabbusi bilan Hasanboy mahalla fuqarolar yig‘inida aholi muammolarini o‘rganish ishlari olib borildi.

O‘rganish davomida fuqarolarning murojaatlari, takliflari hamda mahalla hududida mavjud bo‘lgan ijtimoiy, kommunal, obodonlashtirish va infratuzilma bilan bog‘liq masalalar ko‘rib chiqildi.

Aholi tomonidan ko‘tarilgan muammolarni qonuniy tartibda o‘rganish, tegishli tashkilotlar bilan hamkorlikda hal etish hamda ularning ijrosi ustidan deputatlik nazoratini olib borish yuzasidan fikr almashildi.

Mazkur o‘rganish deputatlik faoliyatining asosiy 24 ta savolnomasi doirasida amalga oshirilib, mahalladagi aholi murojaatlari, kommunal xizmatlar, obodonlashtirish, yo‘l infratuzilmasi, yoshlar, xotin-qizlar, bandlik hamda ijtimoiy qo‘llab-quvvatlash masalalariga alohida e’tibor qaratildi.

Ushbu jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Mahalliy davlat hokimiyati to‘g‘risida”gi Qonunda belgilangan vazifalar ijrosiga muvofiq amalga oshirildi.

O‘rganish yakunida aniqlangan masalalarni tegishli tashkilotlar bilan hamkorlikda ko‘rib chiqish, zarur hollarda deputatlik so‘rovlari kiritish hamda murojaatlar ijrosini nazoratga olish bo‘yicha vazifalar belgilab olindi.

✅ Hasanboy mahallasida aholi murojaatlarini joyida o‘rganish, mavjud muammolarni manzilli hal etish va fuqarolar uchun qulay yashash sharoitlarini yaratish bo‘yicha deputatlik faoliyati davom ettirilmoqda.