Obi-Hayot mahallasida sayyor qabul o‘tkazildi

O‘zbekiston Respublikasi Oliy Majlisi Qonunchilik palatasi Spikerining o‘rinbosari X. Gapparov, Xalq deputatlari Namangan shahar Kengashi raisi R. Isakov hamda Kengash Kotibiyati mudiri 

N. Ubaydullayev ishtirokida Obi-Hayot MFY hududida sayyor qabul o‘tkazildi.

Sayyor qabul davomida mahalla aholisi bilan bevosita muloqot qilinib, fuqarolarning murojaatlari, taklif va muammolari tinglandi. Murojaatlarda ko‘tarilgan masalalarning mazmun-mohiyati atroflicha o‘rganilib, ularni joyida hal etish imkoniyatlari muhokama qilindi.

Shuningdek, fuqarolar tomonidan bildirilgan murojaatlarni tegishli tartibda ko‘rib chiqish, mavjud muammolarga amaliy yechim topish hamda masalalarni mas’ul tashkilotlar bilan hamkorlikda hal etish bo‘yicha zarur choralar belgilandi.

Sayyor qabul davomida aholi bilan ochiq muloqotni yanada kuchaytirish, fuqarolar murojaatlariga e’tiborli va manzilli yondashish, ularning qonuniy manfaatlarini ta’minlash masalalariga alohida e’tibor qaratildi.

Sayyor qabullar aholining murojaatlarini bevosita joyiga chiqib o‘rganish, mavjud muammolarni tezkor aniqlash va ularning amaliy yechimini ta’minlashda muhim ahamiyat kasb etmoqda.