Uylarda issiq va sovuq suv bilan ta’minlash, elektr energiyasi, gaz bilan bog‘liq masalalar o‘rganildi

Xalq deputatlari O‘rta Chirchiq tuman Kengashi kotibiyati mudiri B.Baxovadinov hamda kotibiyat bosh mutaxassisi Sh.Eshovlar tomonidan Uyg‘ur MFY hududida joylashgan ko‘p qavatli uylarda aholiga kommunal xizmatlar ko‘rsatish holati yuzasidan o‘rganish ishlari olib borildi.

O‘rganish davomida ko‘p qavatli uylarda yashovchi aholining elektr energiyasi bilan ta’minlanishi, elektr tarmoqlarining holati va ta’minotdagi uzilishlar bilan bog‘liq masalalarga alohida e’tibor qaratildi.

Xonadonlarni issiq va sovuq suv bilan ta’minlash, suv bosimi va uzluksizligi, mavjud muammolar hamda ularni bartaraf etish bo‘yicha amalga oshirilayotgan ishlar o‘rganildi.
O‘rganish jarayonida fuqarolar bilan suhbatlashilib, ularni qiynayotgan muammolar tinglandi.

✅Xalq deputatlari O'rta Chirchiq tuman Kengashi kotibiyati axborot xizmati!