Kuz-qish mavsumiga tayyorgarlik holati o‘rganildi

Xalq deputatlari Toshkent viloyati Kengashi deputati F.Sarmanov, Xalq deputatlari O‘rta Chirchiq tuman Kengashi deputatlari N.Dushayeva va B.Baxovadinovlar tomonidan tumandagi 59-son oilaviy poliklinikaning kuz-qish mavsumiga tayyorgarlik holati o‘rganildi.

O‘rganish davomida tibbiyot muassasasining kuz-qish mavsumini betalofat o‘tkazishga tayyorgarligi, bino va xonalarning isitish tizimi holati, elektr energiyasi hamda boshqa zarur kommunal xizmatlar bilan ta’minlanganlik darajasi ko‘zdan kechirildi.

Kuz-qish mavsumida aholiga, keksa yoshdagi fuqarolar, bolalar hamda ijtimoiy himoyaga muhtoj aholiga tibbiy xizmatlarni uzluksiz ko‘rsatish uchun yaratilgan shart-sharoitlar o‘rganildi.

O‘rganish jarayonida aniqlangan kamchilik va muammolarni bartaraf etish, muassasani kuz-qish mavsumiga to‘liq tayyor holga keltirish hamda aholiga tibbiy xizmat ko‘rsatishda uzluksizlikni ta’minlash yuzasidan mas’ullarga takliflar bildirildi.

✅Xalq deputatlari O‘rta Chirchiq tuman Kengashi kotibiyati axborot xizmati!