⚡️Xalq deputatlari Chinoz tumani Kengashining ish rejasiga muvofiq, Kengash kotibiyati bosh mutaxassisi Bekzod Ortiqboyev tomonidan “Madaniyat” mahalla fuqarolar yig‘inida xotin-qizlar faoli Norbo‘taeva Sohibaning faoliyati o‘rganildi.

✍️O‘rganish davomida mahallada xotin-qizlar bilan olib borilayotgan manzilli ishlar, ularning muammolarini aniqlash va mavjud muammolarni tizimli ravishda hal etish, “Ayollar daftari”ga kiritilgan fuqarolarni har tomonlama qo‘llab-quvvatlash, bandligini ta’minlash, shuningdek, ularga ijtimoiy, tibbiy va huquqiy ko‘mak ko‘rsatish borasida amalga oshirilayotgan ishlar tahlil qilindi.

❇️Ma’lumotlarga ko‘ra, “Ayollar daftari”ga mahalladan jami 105 nafar xotin-qiz kiritilgan bo‘lib, ular bilan individual ishlash va ehtiyojlaridan kelib chiqib amaliy yordam ko‘rsatish choralari belgilangan.
Jumladan:
🔸55 nafar ijtimoiy himoyaga muhtoj ishsiz xotin-qiz;
🔸4 nafar tadbirkorlik faoliyatini boshlash yoki mavjud faoliyatini kengaytirish istagidagi xotin-qiz;
🔸1 nafar uy-joy sharoitini yaxshilashga muhtoj xotin-qiz;
🔸24 nafar tibbiy va psixologik yordamga ehtiyojmand xotin-qiz;
🔸22 nafar huquqiy yordamga muhtoj xotin-qiz ro‘yxatga olingan.

✅O‘rganish jarayonida xotin-qizlarning muammolarini o‘z vaqtida aniqlash, ularni tegishli tashkilotlar bilan hamkorlikda hal etish, bandligini ta’minlash hamda ijtimoiy himoyasini kuchaytirishga qaratilgan ishlarni yanada takomillashtirish yuzasidan tegishli tavsiyalar berildi.