Xalq deputatlari tuman Kengashi deputatlari tomonidan joylarda obodonlashtirish, qadamjolar va ziyoratgohlarni tartibga keltirish borasida amalga oshirilayotgan ishlar yuzasidan izchil deputatlik nazorati olib borilmoqda.

Xususan, Xalq deputatlari Oltinsoy tumani Kengashining 19-“Xidirsho” saylov okrugidan saylangan deputati Yusup Xolmuminovich Qurbaniyazov tomonidan “Dug‘oba” mahallasida joylashgan qabriston hamda ziyorat qadamjolarining bugungi holati yuzasidan deputatlik o‘rganishi o‘tkazildi.

O‘rganish davomida qabriston hududidagi obodonlashtirish va ko‘kalamzorlashtirish ishlari, tozalik va tartibni saqlash, ziyoratchilar uchun yaratilgan sharoitlar hamda atrof-muhitni muhofaza qilish masalalariga alohida e’tibor qaratildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz