#Ustozga_ehtirom #poytaxtdeputatlari #deputatlik_faoliyati

❗️ USTOZ — KELAJAK ME’MORI

🏛 Iste’dodli yoshlarni qo‘llab-quvvatlash “Ulug‘bek” jamg‘armasi tomonidan 1-oktabr — O‘qituvchi va murabbiylar kuni munosabati bilan “Ustoz — kelajak me’mori” mavzusida ma’naviy-ma’rifiy tadbir tashkil etildi.

🎙 Tadbirni Iste’dodli yoshlarni qo‘llab-quvvatlash “Ulug‘bek” jamg‘armasi raisi O. Salimov kirish so‘zi bilan ochib, barcha ustoz va murabbiylarni kasb bayrami bilan samimiy tabrikladi. Shundan so‘ng ma’ruza uchun so‘z Qiyom Normirzayevichga berildi.

📚 Ma’ruzada davlatimiz rahbari tomonidan o‘qituvchi va murabbiylar uchun yaratilayotgan shart-sharoit va imkoniyatlar, Yangi O‘zbekistondagi yangilanish hamda transformatsiya jarayonlari, insonlarni rozi qilishga qaratilgan islohotlar, shuningdek, zamonaviy rahbarning ma’naviy-axloqiy fazilatlari haqida batafsil fikr yuritildi.

🔺 Tadbir davomida Xalq deputatlari Toshkent shahar Kengashi huzuridagi Yoshlar maslahat guruhi rahbari Sarvar Irgashev ham so‘zga chiqib, ustoz va murabbiylarning yosh avlodni bilimli, ma’naviy yetuk, vatanparvar hamda mustaqil fikrlaydigan insonlar etib tarbiyalashdagi beqiyos o‘rnini alohida ta’kidladi.

📝 Shuningdek, yoshlarning iste’dod va tashabbuslarini qo‘llab-quvvatlash, ularning sifatli ta’lim olishi, ilmiy salohiyatini yuksaltirish, bandligini ta’minlash hamda jamiyat hayotidagi faolligini oshirish borasidagi ustuvor vazifalar haqida fikr bildirdi.

💬 Qizg‘in savol-javoblarga boy bo‘lgan tadbir davomida faol ishtirokchilarga esdalik sovg‘asi sifatida kitoblar topshirildi. Ushbu adabiyotlar yoshlarning mantiqiy va tahliliy fikrlashini rivojlantirish, bilimlarini mustahkamlash hamda muammolarga mustaqil yechim topish ko‘nikmalarini shakllantirishga xizmat qilishi qayd etildi.

📉 Tadbirda oliy ta’lim muassasalarining prorektorlari va bo‘lim boshliqlari, yosh professor-o‘qituvchilar, tadqiqotchilar, iqtidorli talabalar hamda akademik litsey o‘quvchilari bevosita ishtirok etdi. Hududlardagi oliy ta’lim muassasalari rahbarlari, mutaxassislari, professor-o‘qituvchilari va tadqiqotchilari esa Zoom platformasi orqali tadbirga qo‘shildi.

✨ Zero, ustozga ko‘rsatilgan ehtirom — ilm-ma’rifatga, yoshlar kelajagiga va yurt taraqqiyotiga ko‘rsatilgan e’tibordir.

📱 Telegram 📱 Instagram 📱 Facebook 📱 YouTube 🔎 E-kengash