O‘zbekiston Respublikasi Vazirlar Mahkamasining 2013-yil 10-yanvardagi 4-sonli «Respublika aholi punktlarini obodonlashtirish ishlarini tashkil etishni takomillashtirish chora-tadbirlari to‘g‘risida»gi qarori ijrosini Chilonzor tumanida ta’minlash holatini o‘rganish maqsadida tegishli nazorat-tahlil ishlari olib borildi.

Mazkur o‘rganish Xalq deputatlari Chilonzor tumani Kengashining Qurilish, kommunal, suv xo‘jaligi, ekologiya va sanoat masalalari bo‘yicha doimiy komissiyasi tomonidan amalga oshirildi.

O‘rganish davomida doimiy komissiya raisi Miryunusov Alisher Habibullayevich ,a’zosi Mahmudova Donoxon Artikovna tomonidan Chilonzor tumani Obodonlashtirish boshqarmasining faoliyati atroflicha ko‘rib chiqildi.

Jumladan, tumandagi hududlarni obodonlashtirish, ko‘kalamzorlashtirish va sanitariya holatini ta’minlash, umumiy foydalanishdagi hududlarni saqlash, obodonlashtirish ishlarini belgilangan talablar asosida tashkil etish hamda mazkur yo‘nalishda amalga oshirilayotgan ishlarning samaradorligiga e’tibor qaratildi.

Shuningdek, qarorda belgilangan vazifalarning amaliy ijrosi, mavjud muammolar va ularni bartaraf etish yuzasidan ko‘rilayotgan choralar tahlil qilindi.

O‘rganish natijalari asosida aniqlangan holatlar yuzasidan tegishli xulosa va takliflar shakllantirilib, obodonlashtirish ishlarining samaradorligini oshirish, hududlarning sanitariya va obodonlik darajasini yanada yaxshilash hamda aholiga qulay va munosib yashash sharoitlarini yaratish bo‘yicha tegishli chora-tadbirlarni amalga oshirish yuzasidan tavsiyalar berildi.