#poytaxtdeputatlari #deputatlik_faoliyati

❗️MUSTAQILLIK DARSI: YOSHLARNI ILM-FAN VA YUKSAK MAQSADLAR SARI RUHLANTIRGAN MULOQOT

🏛 Xalq deputatlari Toshkent shahar Kengashi deputati, senator, O‘zbekiston Fanlar akademiyasi Prezidenti, O‘zbekiston Qahramoni, akademik Shavkat Ayupov O‘zbekiston Respublikasi Mustaqilligining 35 yilligi munosabati bilan tashkil etilgan “Mustaqillik darsi”da ishtirok etdi.

📚 O‘zbekiston Respublikasi Fanlar akademiyasi V.I. Romanovskiy nomidagi Matematika institutida “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilgan tadbirda O‘zbekiston Milliy universiteti Matematika fakulteti jamoasi, professor-o‘qituvchilar hamda talabalar qatnashdi.

📁 “Mustaqillik darsi” davomida mamlakatimiz mustaqilligining tarixiy ahamiyati, o‘tgan 35 yil davomida erishilgan yutuqlar, amalga oshirilayotgan bunyodkorlik ishlari va taraqqiyot bosqichlari haqida fikr yuritildi.

🎓 Deputat Shavkat Ayupov yoshlar bilan samimiy muloqot qilib, talabalik davridan unumli foydalanish, puxta bilim egallash, ilmiy izlanishlar olib borish va bo‘sh vaqtni mazmunli tashkil etish bo‘yicha o‘z tavsiyalarini bildirdi. Yoshlarning ilm-fanga bo‘lgan qiziqishini qo‘llab-quvvatlash, ularning salohiyatini ro‘yobga chiqarish kelajak taraqqiyoti uchun muhim ahamiyat kasb etishi ta’kidlandi.

🔬 Ayniqsa, matematika va ilmiy tadqiqotlarga qiziqayotgan yoshlarning zamonaviy bilimlarni egallashi, izlanishdan to‘xtamasligi hamda o‘z bilim va salohiyati bilan Vatan ravnaqiga munosib hissa qo‘shishi muhimligi qayd etildi.

🔺 Tadbir mahalliy Kengash deputatlari faoliyatining ustuvor yo‘nalishlaridan biri bo‘lgan yoshlar bilan ishlash, ularning bo‘sh vaqtini mazmunli tashkil etish, ta’lim va kelajakdagi bandligi uchun mustahkam zamin yaratish kabi vazifalar bilan hamohang bo‘ldi.

🤝 “Mustaqillik darsi” nafaqat tarixiy sana mazmun-mohiyatini yosh avlodga yetkazish, balki talabalarni ilm-fan, izlanish va Vatan taraqqiyoti yo‘lida yanada katta maqsadlar sari ruhlantirgan ochiq muloqot maydoniga aylandi.

📱 Telegram 📱 Instagram 📱 Facebook 📱 YouTube 🔎 E-kengash