Xalq deputatlari Chilonzor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan 2026-yilning 7 oyi davomida tumanda yoshlar bilan ishlash tizimida amalga oshirilgan ishlar va erishilgan natijalar to‘g‘risidagi hisobot ko‘rib chiqildi.
Doimiy komissiyaning 2026-yil 8-sentabrdagi DKQ 03-03/50-26-sonli qarori bilan mazkur hisobot ma’qullandi hamda yoshlar bilan ishlash tizimini yanada takomillashtirish bo‘yicha qator vazifalar belgilandi.
Jumladan, yoshlar bandligini ta’minlash, ishsiz yoshlarni doimiy ishga joylashtirish, tadbirkorlik va kasb-hunarga jalb etish, “Yoshlar daftari”dagi yoshlarning muammolarini hal etish bo‘yicha ishlarni kuchaytirish belgilandi.
Shuningdek, yoshlar o‘rtasida jinoyatchilik va huquqbuzarliklarning oldini olish, “Besh tashabbus olimpiadasi” doirasidagi tadbirlarni kengaytirish hamda mahallalarda yoshlarning bo‘sh vaqtini mazmunli tashkil etish bo‘yicha ishlarni davom ettirish belgilandi.
Ushbu qaror O‘zbekiston Respublikasining “Mahalliy davlat hokimiyati to‘g‘risida”gi Qonunining 19¹-moddasiga asosan qabul qilingan.
Mazkur masalani xalq deputatlari Chilonzor tumani Kengashining navbatdagi sessiyasi kun tartibiga kiritish tavsiya etildi.