O‘zbekiston Respublikasi Prezidenti ishonch telefoni orqali Chilonzor tumanida istiqomat qiluvchi fuqaro Nargiza Nigmanova O‘zbekiston Ekologik partiyasiga a’zo bo‘lish istagini bildirgan. Shuningdek, fuqaro partiyaning tarmoqdagi aloqa telefonlariga bog‘lana olmayotganini ma’lum qilgan.

Mazkur murojaat yuzasidan Xalq deputatlari Chilonzor tumani Kengashi deputati, Kengash kotibiyati mudiri Murotova Lola Ne'matjon qizi ko‘magida O‘zbekiston Ekologik partiyasi Chilonzor tuman Kengashi raisi M. Tursunova bilan hamkorlikda fuqaro Nargiza Nigmanovaning murojaati ko‘rib chiqildi.

Natijada fuqaroning istagi inobatga olinib, Nargiza Nigmanova O‘zbekiston Ekologik partiyasi safiga a’zo qilindi.
Fuqaro mamlakatimizda amalga oshirilayotgan ekologik islohotlar, atrof-muhitni muhofaza qilish borasidagi jarayonlar va mavjud ekologik muammolarga befarq emasligini, ushbu yo‘nalishda faol ishtirok etish istagida ekanini bildirdi.

Fuqarolar murojaatlarini o‘z vaqtida ko‘rib chiqish va ularning qonuniy istak hamda takliflarini qo‘llab-quvvatlash — xalq vakillarining muhim vazifalaridan biridir.