🔰Oydin mahallasida soliq inspektori faoliyati o‘rganildi

🇺🇿Xalq deputatlari Jondor tumani Kengashi deputati O. Muzaffarova, tuman Kengashi kotibiyati mudiri I. Xolov hamda bosh mutaxassisi J. Norov hamkorligida Oydin mahallasida soliq inspektori tomonidan o‘ziga yuklatilgan vazifalarning ijrosi holati o‘rganildi.
➡️O‘rganish davomida soliq inspektorining mahallada soliq ma’murchiligini samarali tashkil etishi, fuqarolar va tadbirkorlar bilan ishlash, soliq to‘lovlarini o‘z vaqtida amalga oshirish bo‘yicha tushuntirish ishlarini olib borishi hamda belgilangan vazifalar ijrosi tahlil qilindi.
➡️Shuningdek, aniqlangan masalalar yuzasidan mas’ul xodimga tegishli tavsiya va ko‘rsatmalar berildi. Faoliyatda mavjud kamchiliklarni bartaraf etish, aholi va tadbirkorlarga sifatli xizmat ko‘rsatish hamda soliq sohasidagi vazifalarni samarali amalga oshirish muhimligi ta’kidlandi.
➡️Bunday o‘rganishlar mahallalarda davlat xizmatlari samaradorligini oshirish, soliq intizomini mustahkamlash va aholi murojaatlari bilan ishlash sifatini yaxshilashda muhim ahamiyat kasb etadi.