Aholi kayfiyati – islohotlarimiz va siyosatimizning ko‘zgusi

Mamlakatimizda amalga oshirilayotgan barcha ishlar, ijtimoiy-iqtisodiy loyihalar xalqni rozi qilishga qaratilgan. Davlatimiz rahbari har doim “islohotlar natijasini odamlar o‘z hayotida, mahallasida sezsin”, deb talab qo‘yadi.

Shu maqsadda O‘zbekiston Respublikasi Oliy Majlisining Qonunchilik Palatasi deputati Sh.To‘xtashev va Xalq deputatlari Ishtixon tuman Kengashi deputati M.Raximov joriy yilgi dasturlar doirasida amalga oshirilgan ishlar yuzasidan Ishtixon tumanidagi mahallalarda aholi bilan uchrashdi.

Uchrashuvda mahallani obod qilish, bolalar bog‘chasi, maktab, sog‘liqni saqlash, suv, elektr, kanalizatsiya bilan bog‘liq muammolar o‘rganildi.