Xalıq deputatları Qaraózek rayonlıq Keńesi deputatlarınıń aymaqlarda mashqalalardı ámeliy sheshimin tabıwda máhálle jetiligi menen óz ara birge islesiwi tiykarında rayon orayındaǵı «Qutlı mákan», mákan puqaralar jıyınında máhálleler jetiligi, aymaqtaǵı mákemelerden wákiller hám puqaralar menen ushırasıw bolıp ótti. Ilájda aymaqtaǵı mákeme, shólkemlerdiń hám máhálle wákilleriniń esabatı tıńlanıp, puqaralardıń múrájatı tiykarındaǵı áhmiyetli máseleler dodalandı. Sonday-aq, mámleketimiz nızamshılıǵında júz berip atırǵan ózgeris hám jańalıqlar, tómengi palata májilisinde tastıyıqlanǵan nızamlardıń mazmunı hám áhmiyeti haqqında ushırasıw qatnasıwshılarına úgit-násiyat jumısları alıp barılıp, keńnen maǵlıwmat berildi. Ushırasıw dawamında máhálle belsendileri, aymaq turǵınları tárepinen pikir hám usınısları tıńlandı.