Xalq deputatlari Uchquduq tuman Kengashi kotibiyat mudiri, tuman Kengashi deputati M. Kamolova Uchquduq tuman tibbiyot birlashmasiga qarashli ko‘p tarmoqli markaziy poliklinikada bepul beriladigan dori vositalari bilan ta’minlash holati yuzasidan o‘rganish olib bordi.

O‘rganish davomida ma’lum bo‘ldiki:

 Hozirgi kunda tuman tibbiyot birlashmasi tomonidan “D” nazoratida turgan 1272 nafar fuqaro doimiy ravishda belgilangan tartibda bepul dori vositalari bilan ta’minlanmoqda.

 Tuman tibbiyot birlashmasi sug‘urta tizimiga o‘tgan holda faoliyat yuritmoqda.

 2026-yilda ushbu tizim orqali “D” nazoratida turgan aholiga bepul dori vositalari berish uchun 122 mln 600 ming so‘m mablag‘ ajratilgan bo‘lib, hozirgi kungacha 379 nafar bemor bepul dori vositalari bilan ta’minlangan.

Shuningdek, o‘rganish davomida bemorlar bilan ham suhbat o‘tkazilib, ularning fikr va takliflari tinglandi.