Xalq deputatlari Jalaquduq tuman Kengashi deputatlari A.Qurbonov, E.Qurbonov, I. Juraevlar, tuman tadbirkor ayollar uyushmasi raisi M. Aripova, “Kapa” MFY otin oyisi K. Tojiboevalar hamda “Qashqar” MFY raisi va mahalla faol ayoli ishtirokida Qashqar mahallasida yashovchi fuqaroning oilaviy ajrim bo`yicha murojaati atroflicha o`rganildi. Murojaat asosida ishchi guruh fuqaro xonadoniga borib, u bilan birga
yashovchi onasi, shuningdek Xo`jaobod tumanida istiqomat qiluvchi qaynota va qaynonasi bilan alohida suhbatlar o`tkazdi. Suhbatlar davomida oilada yuzaga kelgan kelishmovchilik sabablari muhokama qilinib, o`zaro tushunish va bag`rikenglik muhiti yaratildi. Tushuntirish va maslahatlar natijasida uzoq vaqtdan buyon ajrim yoqasida turgan yosh oila yarashtirildi. Kelin va ularning farzandi ota bag`riga qaytarilishiga kelishib olindi. Bu kabi ezgu tashabbuslar mahallada ijtimoiy-ma`naviy muhitni yanada barqarorlashtirish, oilalar farovonligini ta`minlash hamda ajrimlarning oldini olishda muhim ahamiyat kasb etadi.