DEPUTATLAR ISHTIROKIDA HOKIM YORDAMCHILARI TOMONIDAN AMALGA OSHIRILAYOTGAN ISHLAR SAMARADORLIGI, XUSUSAN AHOLINI KAMBAG‘ALLIKDAN CHIQARISH ISHLARI FAOLIYATI O‘RGANILDI.

Xalq deputatlari Baxmal tuman Kengashiga 1-O‘smat saylov okrugidan saylangan deputat Ergashev Aziz Mamarasulovich, 25-“Yangiobod” saylov okrugidan saylangan deputat Norqulov Xondamir Erkin og‘li hamda mas’ul rahbarlar Mustaqillik, Madaniyat va Uzunbuloq mahallalariga tashrif buyurdi. 

Tashrif davomida mahallalardagi hokim yordamchilari faoliyati, aholi bandligini ta’minlash va tadbirkorlikni rivojlantirish borasidagi ishlar ko‘zdan kechirildi. 

Uzunbuloq mahallasida “Neo Professional” brendi ostida avtomobillarni yuvish vositalari ishlab chiqarayotgan korxona hamda Aberdin-angus, Simmental va Gereford zotli novvoslar boqish asosida bo‘rdoqichilikni yo‘lga qo‘ygan tadbirkor faoliyati o‘rganildi.  

Mutasaddilar tomonidan tadbirkorlarning faoliyatini kengaytirish yuzasidan tavsiyalar berildi.