✅ O‘rganishlar davomida mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori (mahalla "yettiligi") faoliyati samaradorligi, ular tomonidan aholi muammolarini hal etish, bandlikni ta’minlash, kambag‘allikni qisqartirish va ijtimoiy himoyaga muhtoj oilalarga ko‘rsatilayotgan amaliy yordam holati joyida o‘rganildi. Ularning ish uslublari, aholi bilan muloqotlari va erishilgan natijalar tahlil qilindi.

🌟 Mahalla ichki ko‘cha yo‘llari, piyodalar yo‘laklari, guzarlar, bolalar maydonchalari, yoritish tizimlari va umumiy sanitariya holati ko‘zdan kechirildi. Ayniqsa, chiqindilarni o‘z vaqtida olib chiqish, ko‘p qavatli uylar atrofidagi maydonlar va podezdlarning tozaligi, yashil hududlarning parvarishi masalalariga alohida e’tibor qaratildi.

👥 Aholi bilan ochiq muloqotlar o‘tkazilib, ularning ichimlik suvi sifati, elektr va gaz ta’minoti, yo‘l infratuzilmasi, tibbiy xizmatlar, maktabgacha ta’lim muassasalari va boshqa ijtimoiy-iqtisodiy masalalar bo‘yicha murojaatlari diqqat bilan tinglandi. Har bir murojaat qayd etilib, ularni hal etish bo‘yicha tegishli tashkilotlarga deputatlik so'rovlari yuborilishi belgilab olindi.