O‘rganish jarayonida tegishli tashkilotlar tomonidan olib borilayotgan profilaktik chora-tadbirlar, xususan, xotin-qizlar va bolalarni himoya qilish, ularning murojaatlari bilan ishlash, ijtimoiy va huquqiy yordam ko‘rsatish tizimi tahlil qilindi. Shuningdek, hududda “ayollar daftari”, “yoshlar daftari” hamda “ijtimoiy reyestr” asosida olib borilayotgan ishlar holati ko‘zdan kechirildi.

Fuqarolar bilan o‘tkazilgan muloqotlar davomida mavjud muammolar, tazyiq va zo‘ravonlik holatlarining oldini olish borasida olib borilayotgan ishlarning samaradorligi yuzasidan fikrlar o‘rganildi. Ayrim yo‘nalishlarda profilaktik ishlarni yanada kuchaytirish, murojaatlarga tezkor va manzilli yondashuvni ta’minlash zarurligi qayd etildi.

Deputat tomonidan mas’ul tashkilotlarga o‘zaro hamkorlikni kuchaytirish, xavf guruhidagi oilalar bilan manzilli ishlash, ayollar va bolalarning huquqlarini ishonchli himoya qilish hamda ularni qo‘llab-quvvatlash mexanizmlarini takomillashtirish yuzasidan tegishli tavsiyalar berildi.