Xalıq deputatları rayonlıq Keńesine Milliy tiklanish demokratıyalıq partıyasınan saylanǵan deputat Akaev Sharap Qayıpovich saylawshılar menen «Dawıtsay» MPJ aymaǵında jaylasqan 17-sanlı mektepte ushırastı.

Ushırasıwda deputat Sh.Akaev 2026-jıldıń I sheregi dawamında óz jumısı boyınsha esabat berip, aymaqtaǵı bar mashqalalar, olardı saplastırıw boyınsha ámelge asırılıp atırǵan jumıslar hám sessiyalarda kórip shıǵılǵan áhmietli máseleler haqqında tolıq maǵlıwmat berdi.

Sonday-aq, Qaraqalpaqstan Respublikası ushın qabıl etilgen qarar hám biyliklerdiń mazmun-mánisi, xalıq ushın jaratılıp atırǵan jeńillikler hám alıp barılıp atırǵan reformalar boyınsha túsinikler berildi.

Ushırasıw ashıqtan-ashıq sóylesiw ruwxında ótti, saylawshılar ózlerin qızıqtırǵan sorawlarǵa juwap aldı.