Mahalladagi muammolar deputat va “yettilik” ishtirokida tinglandi

Xalq deputatlari Termiz tuman Kengashi deputati kotibiyat mudiri A.Avliyakulov tomonidan o‘zi saylangan hududda fuqarolarni qiynab kelayotgan muammolarni o‘rganish maqsadida mahallada uchrashuv tashkil etildi.

Hozirgi kunda mazkur mahallada mahalla raisi lavozimi vakant bo‘lib turganligi sababli ayrim masalalar o‘z vaqtida hal etilmayotgani aholi tomonidan bildirildi.

Mazkur muammolarni joyida o‘rganish va fuqarolar murojaatlarini tinglash maqsadida hudud deputati A.Avliyakulov, Mahalla uyushmasi rahbari R.Alixanov hamda “mahalla yettiligi” a’zolari bilan birgalikda aholi bilan uchrashuv o‘tkazildi. 

Uchrashuv davomida fuqarolarni qiynab kelayotgan muammolar tinglanib, ularni bartaraf etish yuzasidan tegishli tavsiyalar berildi.

Shuningdek, deputat tomonidan “Open budjet” platformasiga kiritilgan loyiha haqida ham ma’lumot berilib, ushbu loyihani g‘oliblikka olib chiqish uchun mahalla fuqarolari birgalikda faol harakat qilishi zarurligi alohida ta’kidlandi.

Ayni paytda mazkur loyiha bo‘yicha ovoz berish jarayonlari boshlanganligi ham aholiga yetkazildi hamda fuqarolarni faol ovoz berishga chaqirildi.