Keshe bolıp ótken rayonlıq Keńestiń gezektegi sessiyasında Rayonlıq Ishki isler bóliminiń jámiyetlik qáwipsizlik xızmeti, tárepinen 2026-jıldıń 3 ayı dawamında ámelge asırılǵan jumısları boyınsha rayonlıq Iski isler bólimi baslıǵınıń orınbasarı A.Allamuratov esabat berdi.

Esabatta 3 ayı dawamında profilaktika inspektorları tárepinen jámi 330 hákimshilik huqıqbuzarlıqlar anıqlanıp, sonnan 230 hakimshilik bayannama profilaktika inspektorlarınıń wákillik sheńberine kiriwshi statyalardı quraydı. Duzilgen hákimshilik bayannamalar hár bir profilaktika inspektorına ayına ortasha 22 den, tikkeley profilaktika inspektorlarınıń wákillik sheńberine kiriwshi bayannamalar bolsa 15,3 ten tuwrı kelmekte.

3 ayı dawamında ótkerilgen “Dawamat” ilajı dawamında oqıwlarına turaqlı túrde qatnaspay júrgen hámde hár qıylı huqıqbuzarlıqlar islegen 64 jas óspirim oqıwshılar anıqlanıp, olardıń ata-analarına ÓzR HJhKniń 47-statya 1-bólimi tiykar, jas óspirim perzentlerine qawender bekitpesten taslap shet elge ketken 2 puqaraǵa ÓzR HJhKniń 477-statyasına tiykar járiyma jazası qollanıldı.

Esabat barısında deputatlar tárepinen tómendegi sorawlar kóterildi:

Anıqlanǵan 330 hákimshilik huqıqbuzarlıqlardıń tiykarǵı sebepleri nelerden ibarat hám olardıń aldın alıw boyınsha qanday jumıslar alıp barılmaqta?
Profilaktika inspektorlarınıń wákillik sheńberine kiriwshi 230 bayannamanıń sapası hám nátiyjeliligi qanday bahalanadı?
“Dawamat” ilajı sheńberinde anıqlanǵan 64 jas óspirim menen keyingi jumıslar qanday jolǵa qoyılǵan?
Shet elge ketip, perzentlerin nazaratsız qaldırǵan jaǵdaylardıń aldın alıw ushın qanday mexanizmler islep shıǵılmaqta?
Huqıqbuzarlıqlardıń qaytalanıwın azaytıw boyınsha profilaktikalıq jumıslardıń nátiyjeliligi qanday?
Deputatlar tárepinen kóterilge sorawlarǵa:

Iski isler bólimi baslıǵınıń orınbasarı Huqıqbuzarlıqlardıń tiykarǵı sebepleri – huqıqıy bilimlerdi puqaralarmızǵa túsindiriw jumısların kúshiytiw, jumıssız puqaralardı jumıs penen bánt etiw hám jazanı ótep kelgen puqaralardı tez tezden baqılap barıw, huqıqbuzarlıqlardıń aldın alıw ushın profilaktikalıq jumısların elede kúsheytiriw. 230 bayannama basım kópshiligi nızamǵa say, 64 jas óspirim menen jeke jumıslar jolǵa qoyılǵan, qarawsız qalǵan balalar boyınsha monitoring alıp barılmaqta, nátiyjede házirgi waqıtta qayta huqıqbuzarlıq azayıp atırǵanlıǵın aytıp ótti.