27-“Nurli yo‘l” saylov okrugidan saylangan deputat A. Hazratqulov Ta’lim va fan xodimlari kasaba uyushmasi Samarqand shahar kengashida bo‘lib, kasaba uyushmasi tomonidan shahardagi ta’lim va fan sohasida mehnat qilayotgan ishchi-xodimlarga ko‘rsatilayotgan turli yordamlar bilan tanishdi.

   Tanishuv davomida 2026-yilning birinchi choragi mobaynida ishchi-xodimlarning madaniy hordiq chiqarishlari uchun konsertlar tashkil etilgani, sog‘lom turmush tarzini targ‘ib qilish maqsadida sport musobaqalari o‘tkazilgani, sanatoriylarga yo‘llanmalar berilgani, ijtimoiy ko‘makka muhtojlarga moddiy va ma’naviy yordamlar ko‘rsatilgani, ma’naviyat soatlari tashkil etilgani hamda O‘zbekiston bo‘ylab sayohatlar uyushtirilgani qayd etildi.

     Kelgusida kasaba uyushmalari va shahar deputati bilan hamkorlikda joylarga chiqib, o‘rganishlar olib borish bo‘yicha aniq rejalar belgilab olindi.