Joriy yilning 28-fevral kuni Oliy Majlis Qonunchilik
palatasi deputati Pardayev Azamat Kenjaboyevich Jomboy tumaniga tashrif
buyurib, xalq deputatlari Jomboy tuman Kengashi kotibyati mudiri Jumanov
Jamshid Akramovich hamda tuman Kengashi deputatlari bilan birgalikda tumandagi
mavjud muammolar, davlat dasturlarining ijrosi, aholining ijtimoiy turmush tarzi
hamda ijtimoiy binolar faoliyati hamda ularda aholi uchun yaratilgan
shart-sharoitlarni o‘rgandilar. 

Jumladan tumanning Nayman, Saroy va Eski Jomboy
mahallalariga tashrif buyurilib, aholi bilan uchrashuvlar o‘tkazildi. Uchrashuvlar
mobaynida aniqlangan muammo va murojaatlar yuzasidan tegishli tashkilotlarga
deputatlik so‘rovlari chiqarilishi, tumandagi ijtimoiy-iqtisodiy jarayonlar
deputatlar tomonidan doimiy ravishda nazoratga olinishi hamda aholi bilan
doimiy muloqot va uchrashuvlar olib borilishi kelishib olindi.