O‘rganish jarayonida fuqarolar bandligini ta’minlash, kasb-hunarga o‘qitish, ijtimoiy himoyaga muhtoj fuqarolarni “Ayollar daftari”, “Yoshlar daftari” hamda ijtimoiy himoya reyestriga kiritish holati, yoshlarni siyosiy faolligini oshirish, ommaviy sportga jalb qilish, “yashil makon” umummilliy loyihasi asosida atrof-muhitni obodonlashtirish va ko‘kalamzorlashtirishga ko‘maklashish, tomarqa yerlaridan samarali foydalanish yuzasidan o‘z tavsiyalarini berdi. Shuningdek, mahalla fuqarolar yig‘ini faollari bilan sayyor qabul o‘tkazib, qabulda aholi tomonidan ichki yo‘llarni shag‘allashtirish, suyultirilgan gaz yetkazib berish ta’minotini tartibga solish, hududda toza ichimlik suvi ta’minotini yaxshilashga oid ko‘tarilgan muammolar yechimi yuzasidan tegishli tashkilot rahbarlariga deputat so‘rovlari chiqarilishini bildirdi.

Deputat hududdagi tashrifi davomida 45-umumiy o‘rta ta’lim maktabi, tuman kasbiy ko‘nikmalar markaziga karashli tikuvchilik syexi hamda “Buxorosuvta’minoti” AJ Romish suv inshooti faoliyati bilan tanishdi.