Aholi turmush farovonligini yaxshilash, muammolarini joyida hal etish, odamlarda adolatga, davlatga ishonchni mustahkamlash davlat idoralari, rahbarlar oldidagi ustuvor vazifaga aylandi. Xalq deputatlari tuman Kengashi deputatlari ham oʻz hududlarida aholini qiynab kelayotgan muammolarni oʻrganmoqdalar, xalq bilan fikrlashib, kamchiliklarning aksariyatiga shu joyning oʻzida yechim topishga erishyaptilar.

Joriy yil 26-fevral kuni Xalq deputatlari tuman Kengashi deputati N.Dushamov tumandagi “Obod” mahalla fuqarolar yig‘inida saylovchilar bilan uchrashuvi bo‘lib o‘tdi.

Uchrashuv davomida saylovchilarga mamlakatimizda amalga oshirilayotgan islohotlar, qabul qilingan farmon va qarorlar ijrosi borasida qilinayotgan ishlar xususida tushuntirish ishlarini olib borildi.

Uchrashuv davomida fuqarolar murojaatlari eshitildi. Saylovchilarga huquqiy maslahatlar berildi. Uchrashuv so‘nggida saylovchilar murojaatlarini ijobiy yechimi yuzasidan tegishli chora-tadbirlar belgilandi.