Joriy yilning 24-fevral kuni “1-Gajdumak” saylov okrugi deputati Z.Fuzaylov o‘zi saylangan okrug hududida aholi bilan uchrashib, tomorqa yerlaridan samarali foydalanish va issiqxona faoliyatini yo‘lga qo‘yish holati bilan tanishdi. 

Davlatimiz rahbari ta’kidlaganidek: “Tomorqa – oilaviy daromad manbai. Uni to‘g‘ri tashkil qilgan har bir inson daromad topadi.” 

Mahallada yashovchi M.Bozorov o‘z xonadonida 8 sotix maydonda issiqxona tashkil qilib, pomidor yetishtirmoqda. U hosilni 1 kg uchun 25-30 ming so‘mdan sotishni rejalashtirib, natijada 700 million so‘m daromad olishni maqsad qilgan. M.Bozorov o‘z tajribasi asosida pomidor yetishtirish bo‘yicha muhim maslahatlarni bo‘lishdi. Shuningdek, deputat tomonidan mahallada tomorqadan unumli foydalanish, issiqxona
faoliyatiga ishtiyoqi bo‘lgan fuqarolarga kerakli tavsiyalarni berdi.