Халық депутатлары Қараөзек районлық Кеӊесиниӊ гезектеги сессиясы Қараөзек районы ҳәкимлиги мәжилислер залында болып өтти. Сессияға Өзбекстан Республикасы Олий Мажлиси Нызамшылық палатасы депутаты Б.Алдамуратов, районлық Кеӊес депутатлары, районлық сектор басшылары, сиясий партиялар, мәкеме, жәмийетлик шөлкемлер баслықлары ҳәм ғалаба хабар қураллары ўәкиллери қатнасты. Дәслеп сессияда 2025-жылда Қараөзек районын социал-экономикалық раўажландырыў бағдарламасы тийкарында дәслепки жол-картасында әмелге асырылыў тийис ўазыйпалар ҳәм 2025-жылда халықтың бәнтлигине көмеклесиў ҳәм кәмбағаллықты қысқартыў ис-илажлары ҳаққында район ҳәкиминиң биринши орынбасары Б.Аяпбергеновтыӊ усынысы ҳәм районды комплекс социал-экономикалық раўажландырыў бойынша 2024-жыл даўамында әмелге асырылған жумыслар ҳаққында сектор басшыларыныӊ есабатлары тыӊланды.