Өзбекстан Республикасы «Пуқаралардыӊ өзин-өзи басқарыў уйымлары ҳаққында»ғы Нызамының 11-статьясына муўапық пуқаралар жыйынлары ўәкиллери ҳәм атқарыў ҳәкимияты уйымы басшыларының пуқаралар жыйынлары искерлиги тараўына киретуғын мәселелер жүзесинен есабатларын тыӊлаў белгиленген. Усы тийкардағы ушырасыў "Мәденият" аўыл пуқаралар жыйыны аймағында районлық Кеӊеске 14-Бердах округинен депутат С.Сайымова ҳәм 15-Фазылов округинен депутат Г.Юсупова, мәҳәлле ўәкиллери ҳәм аймақ пуқаралары қатнасында болып өтти. Ушырасыўда 2024-жыл аймақты раўажландырыў бағдарында әмелге асырылған жумыслар ҳәм 2025-жыл әмелге асырылыўы тийис илажлар бойынша аймақ турғынларына есабатлар берилди. Ушырасыўда аймақ пуқаралары тәрепинен билдирилген мүрәжатлар депутат тәрепинен қадағалаўға алынып, тийисли мәмлекетлик уйымларға депутатлық сораўлар жиберилиўи белгиленди.