Xalq deputatlari Olmazor tumani Kengashi raisi Shaxnoza Umarxodjayeva Olmazor tumanidagi 9-“G'alaba” saylov okrugiga qarashli “Yuqori Beshqo‘g‘on” MFYda sayyor qabul o‘tkazib, fuqarolar hamda mahalla “yettiligi” vakillari bilan ochiq muloqot olib bordi.

📌 Uchrashuv davomida aholi tomonidan bildirilgan murojaat, taklif va muammolar tinglandi. Murojaatlarda ko‘tarilgan masalalarni tegishli tashkilotlar bilan hamkorlikda hal etish yuzasidan mas’ullarga tegishli topshiriq va tavsiyalar berildi.

🗣 Shuningdek, “Yuqori Beshqo‘g‘on” MFY raisi va fuqarolar ishtirokida Go‘zalbog‘ ko‘chasida to‘planib qolgan chiqindi uyumlari, ularning sanitariya holati hamda aholi salomatligiga salbiy ta’sir ko‘rsatayotgan omillar yuzasidan mavjud muammolar joyida tahlil qilindi.

📝 Muloqot jarayonida deputatlik faoliyatini yanada samarali tashkil etish maqsadida ishlab chiqilgan 24 ta tavsiyaviy savol hamda Mahalliy Kengash deputatlari faoliyatida foydalanish tavsiya etilgan 162 ta muhim qonun talablari asosida hududdagi mavjud holat kompleks o‘rganildi. Xususan, jamoat xavfsizligi, mahalla obodonchiligi, chiqindilarni o‘z vaqtida olib chiqish, aholini ijtimoiy qo‘llab-quvvatlash, yoshlar bandligi va boshqa dolzarb yo‘nalishlar yuzasidan fikr almashildi.

🔎 Fuqarolar tomonidan bildirilgan barcha murojaat va takliflar deputat tomonidan “Ko‘chama-ko‘cha deputat daftari”ga qayd etilib, ularning har biri alohida deputatlik nazoratiga olindi. Muammolarni bosqichma-bosqich hal etish, zarur hollarda deputatlik so‘rovlari kiritish hamda mutasaddi tashkilotlar bilan hamkorlikda amaliy yechim topish bo‘yicha vazifalar belgilandi.

📨 Uchrashuv yakunida noqonuniy qurilmalar, chiqindilarni bartaraf etish, ijtimoiy himoya masalalari va fuqarolar tomonidan ko‘tarilgan boshqa muammolar yuzasidan tegishli tashkilotlarga deputatlik so‘rovlari yuborishga kelishib olindi.

🤝 Kengash raisi Sh.Umarxodjayeva fuqarolar bilan doimiy ochiq muloqot olib borish, mahallalardagi muammolarni tizimli o‘rganish hamda ularning amaliy yechimiga erishish deputatlik faoliyatining ustuvor yo‘nalishlaridan biri ekanini ta’kidladi.

👇 Bizni ijtimoiy tarmoqlarda kuzatib boring!